• Huvudmeny

Davvisámegiella

Bures boahtin giela ja álbmotmuittu instituhttii!

Leat go dus beroštupmi nammageavaheapmái ja ođđa sániide? Leat go dus beroštupmi suopmaniidda ja álbmotmuittuide? Dárbbašat go veahki giellajearaldagain, leat go dus jearaldagat giellalága birra dehe hálidivččet go eanet dieđuid ruoŧa unnitlogugielaid birra.

Eiseválddis mii bargat ja jođihit dutkama suopmaniid, giellapolitihka, gielladivšuma, namaid ja álbmotmuittuid birra. Oassi min barggus leat logaldallat, vástidit jearaldagaid, neavvut ja nai almmuhit iešguđetlágan prentejuvvon čállagiid iežamet fáttain. Eiseválddi vuorkkáin leat áimmuin stuora oassi Ruoŧa čohkkejuvvon immateriálalaš kulturárbbit. Vuorkkát leat rahpasat dábálaš olbmuide, studeanttaide ja dutkiide. 
Giela ja álbmotmuittu Instituhtta gávdno Ubmis, Uppsalas, Stockholmmas, Göteborgas ja Lundes.

Suopmanat

Instituhtas leat ollu suopmančállagat ja báddejuvvon suopmanat áimmuin. Instituhtta lea válbmeme guokte suopmangirjji, oahppogirji ruoŧa suopmaniid birra ja lulli- ja oarjjeruoŧa suopmandiehtovuođu. Min webbsiiddus lea vejolaš e.e. guldalit iešguđelágan suopmaniid. 

Álbmotmuittut

Instituhtas leat Ruoŧa stuorimus álbmotmuitu vuorkká. Min vuorkáin gávdno boađus 100 jahkásaš barggus cohkkejuvvon álbmotlaš kultuvrras: muitalusat olbmuid eallimis ja eallineavttuin árgabeiviin ja biđuin 1800 jagi rájis guollebivdi ja dálolaš servodagas dan áigásaš máŋggabealát servodahkii. 

Nammat

Nammat Ruoŧas, dološ áiggis dan áigái, gávdnojit Instituhta vuorkás, namaid mearkašumi, stávvalliid ja jietnadeami dieđu birra. Mii almmuhit earret eará digitálalaš registariid ja olbmonama ja báikenama sátnegirjjiid. Eiseváldin lea maid ovddasvástadus cealkit nammadikšun áššiid dáfus. 

Gielladikšun

Ruoŧa giellaráđđis lea ovddasvástádus gielladikšumii. Mii bargat earenoamážit ruoŧa gielain, giehtagielain ja našuvnnalalaš unnitlogugielaiguin, earret go sámi gielat mat gielladikšuma dáfus gullojit Sámediggái. Giellaráđđi guorrahalla gielladili servodagas ja iskká giellalága geavaheami ja váikkuha nu ahte eiseválddit barget dárkilis gielain.

Uppdaterad 25 March 2014

Váldde oktavuođa miiguin


018-65 21 60 

E-čujuhus: registrator@
sprakochfolkminnen.se