• Huvudmeny

Julevsámegiella

Buorisboahtem Giella- ja álmmukmujttoinstituvttaj!

Hálijda gus diehtet namáj ja ådå bágoj birra? Miellodi gus dialevta ja álmmukmujto duv? Dárbahak viehkev giellagatjálvisáj? Le gu gatjálvisá giellalága birra jali sidák ienebuv diehtet Svieriga unneplågogielaj birra?

Fábmudagán barggap ja åtsådip dialevtaj, giellapolitijka, giellasujto, namáj ja álmmukmujtoj birra. Mijá barggo l iehtjádij siegen aj lågådallamijt adnet, gatjálvisájt vásstedit, rádijt vaddet ja moattelágásj girjijt mijá ábnnasij sinna vaddet. Fábmudagá tjoahkkimusá li diehtotjoaggema moattet oases Svieriga abstraktak kultuvrraárbes. Tjoahkkimusá li rahpasa álmmugij, studentajda ja åtsådiddjijda

Giella- ja álmukmujttoinstituvtta gávnnu Ubbmemin, Uppsalan, Stockholman, Göteborgan ja Lundan.

Dialevta

Instituvtan li stuor tjoahkkimusá dialäktatjállusijs ja dialäktabáddimijs. Guokta dialäktabáhkogirje, åhpadusgirje svieriga dialevtaj birra ja oarjjel- ja allesvierik dialäktadáhtavuorkká li barggama vuolen. Dánna mijá webbasajen máhtá iehtjádij siegen moattelágásj dialevtajt gulldalit

Álmmukmujto

Instituvtan li Svieriga stuorámus álmmukmujttotjoahkkimusá. Mijá arkijvajn la boados badjel tjuohte jage álmukkultuvra tjoahkkimbargos: giehto ulmutjij viessoma birra árggan ja festan 1800-lågo guollim- ja båndorsebrudagás gitta udnásj moattevuohtasebrudahkaj.

Namá

Instituvtan li nammatjoahkkimusá Svierigis dålusj ájges udnátjij diedoj majt namá merkahi, stávima ja jiednadime birra. Mij vuosedip iehtjádij siegen digitála regisstarijt ja báhkogirjijt, ulmusjnamájt ja bájkkenamájt. Fábmudahka aj moalget nammasujttoássjijn.

Giellasujtt

Giellaráde vásstet giellasujto åvdås Svierigin. Barggap sierraláhkáj dárogielajn, siejvvemgielajn ja rijkalasj unneplågogielaj , ietján gå sámegielaj ma Sámedikke giellasujttuj gulluji. 
Giellaráde guoradallá giellavidjurijt sebrudagán, giellalágav tjuovut ja barggá dan åvdås vaj fábmudagá barggi tjielggagielajn.

Uppdaterad 31 January 2017

Ságasta mijájn


Veksal: 0200-28 33 33

E-påvssti: registrator@
sprakochfolkminnen.se