• Huvudmeny

Julevsámegiella

Dårja rijkalasj unneplågogielajda

Giella- ja álmmukmujttoinstituvtta juohká stáhtadoarjjagav man ájggomus la aktugasj ulmutjijda vaddet buorep åvdeldimev oahppat ja adnet ietjas rijkalasj unneplågogielav, dat javllá gájkka suorge suomagielas, jiddisjis, meängielas, románagielas ja sámegielas. 

Dårja vatteduvvá doajmmaj mij nanni låhkåm- ja tjállemmáhttudagáv unneplågogielan, buojkulvissan pedagogak dåjmav dan giellaj mav ájggu åhpadit, giellaprosjevtajt mánájda ja sijá äjgádijda jali dagojda låhkåmåvddånahttemij. Dårja aj vatteduvvá dagojda lasedittjat aktugattjaj máhttudagájt moattegielakvuoda birra, giellaj kultuvrraguodden jali giellavaddemij buolvaj gaskan. Dåjma åvddånahteduvvi ållagasj mánájda ja nuorajda. 

Doarjjagav máhtti organisasjåvnå jali vuododusá åhtsåt ma e stáhtaj jalik kommuvnnaj gullu, ja vuojttoájggomusá dagi barggi dåjmaj Svierigin. Åhttse oadtju aj doarjjagijt åhtsåt aktan ietjá organisasjåvnåj, vuododusáj jali kommuvnaj. Dårjaduossto vaddá tjielggidimev båhtusijs ma li åledum.

Åtsålvissaj galggá konkrehtalasj ja smájvvis buojkuldahka ájggom prosjevtas ja snivugis gållomerustallamis. Jus li gatjálvisá doarjjaga ja åtsålvismannama birra máhtá ságastit Harriet Kowalski.

Uppdaterad 14 January 2016