• Huvudmeny

Romani arli

Dumodejbe bašo nacionalikane minoritetia.

O Instituti baši čhib thaj folklori ulavela raštrane (phuvjakere) love, odolea mangela pe te del pe sakone dženeske pošukar uslovia te interesirinel pes baši pli nacionalikani minoritieti čhib hem te upotrebinel ola, odova važinela bašo sa o variante ki finsko čhib, javudikani čhib, meankieli čhib, romani čhib hem ki samikani čhib.

Dumodejbe dela pe bašo aktivitetia so zorakerena o šaipa te čitinel pe hem te pišinel pe ki minoritetikani čhib, na primer pedagogikane metodia bašo sikljojbe i čhib, čhibjakoro projekti so mangela te kerel buti čhavencar hem lengere dadencar-dajencar ja pale te kerena buča bašo sikljojbe te čitinel pe. 
Plus odova mukhela pe ekonomikano dumodejbe bašo buča so barakerena sakone dženeskere džanibe bašo buteder čhibja, i čhib sar kulturakoro ingaribe ja pale čhibjakoro transportiribe maškar o generacie. 

Dela pe prednost e bučake so kerela buti e čhavencar hem e ternecar. 

Akala love šaj te roden organizacie ja pale fondacie so nane raštrane (državna) ja pale komunalna, organizacie so kerena buti ki Švedia bizo te ovel olen namera te ovel olen dobitko ki olengiri buti. O organizacie j apale fondacie šaj te roden akala love zaedno javere organizaciencar ja pale komunencar. Okola kaske so dela pe love trebela palo odova te mukhen raporti kori so dikhela pe savo rezultati ulo kotar odoja buti.

Te isi tut te puče diso bašo rodibe akala love tu šaj te kontaktirine e Anna Gezelius.

Uppdaterad 30 oktober 2017