• Huvudmeny

mart 2015

O čačipe (o durustipe, pravda)

O čačipe (o durustipe, pravda) tano jek važno lafi ki politika, juridika, filozofia, ko raštrano (državno) džanibe hem ko avera sarinipaskere (društveno) džaniba. Nane ni jek definicija bašo o čačipe so sarine akceptirinena.

O čačipe tano važno keda trebela te ulavel pe diso so nane but, ko primer o hajbe, ja pale love. Isi buteder teorije bašo odova sar o manuš ulavela čačikane (pravedno). Ake disave olendar: Ulavibe jekhalo  (isto). Te ulave jek paketi kolačija (gudle bokolja) značinela kaj sakoske dela pe isto gudle bokolja. Ulav palo odova kobor so trebela. Okova so čirla na halja trebela te lel hembut kolačija.  Ulav pali i zasluga. Ko primer okova so vozindža (paldindža) e točkoja baro drumo te kinel e kolačen, ov zaslužinela te delpe oleske buteder kolačija e averendar. Ulav premal o ceniba. Okova so hembut ovela lošalo taro kolačija oleske  trebela te te delpe hembut.

O čačipe tano važno hem ko javera buča.  Sar šaj te kera jek pravedno sarinipe (društvo)? O John Rawls hem o Robert Nozick tane duj filozofia kola hramondže (pisindže) bašo odova.

O čačipe šaj te vakerel bašo e zakoneskoro phagiba hem kazniba. Jek kaznibe haljola pe sar pravedno  keda tano jekhalo e phagibaskere  keribaja. Deš berš phanlipe bašo nakhibe e točkoja ko lolo svetlo šaj nane ko plo than.

Dikh buteder ko: http://www.ne.se/lang/r%C3%A4ttvisalänk till annan webbplats

Uppdaterad 06 mars 2015